നല്ല സിനിമകൾ കാണുന്നതും അവയെക്കുറിച്ച് സുഹൃത്തുക്കളോടൊപ്പം ചേർന്നിരുന്ന് സംസാരിക്കുന്നതും തികച്ചും വ്യത്യസ്തമായ ഒരു അനുഭവമാണ്. സിനിമ കേവലം ഒരു വിനോദമല്ല, മറിച്ച് ചർച്ചകളിലൂടെയും സംവാദങ്ങളിലൂടെയും കൂടുതൽ മിഴിവുറ്റതാകുന്ന ഒരു കലാരൂപമാണ്. പ്രവാസലോകത്തെ തിരക്കുകൾക്കിടയിൽ സിനിമയുടെ ഈ വസന്തം നമുക്ക് നഷ്ടമാകാതിരിക്കാൻ കൈരളി യുകെ ഒരുക്കുന്ന വേദിയാണ് ഈ ഫിലിം സൊസൈറ്റി.

ഞങ്ങളുടെ ലക്ഷ്യങ്ങൾ

• സിനിമാ ആസ്വാദനം: യൂറോപ്യൻ മലയാളികൾക്കിടയിൽ മികച്ച സിനിമാസ്വാദനം പ്രോത്സാഹിപ്പിക്കുക.

• മാതൃഭാഷയുമായുള്ള ബന്ധം: സിനിമകളിലൂടെ മലയാള ഭാഷയോടും സംസ്‌കാരത്തോടും കൂടുതൽ ചേർന്ന് നിൽക്കാൻ അവസരമൊരുക്കുക.

• ലോക സിനിമയുടെ പരിചയപ്പെടുത്തൽ: മലയാളത്തിലെ ക്ലാസിക്കുകൾക്കൊപ്പം തന്നെ ലോകസിനിമയിലെ മികച്ച സൃഷ്ടികളെയും പുതിയ പരീക്ഷണ ചിത്രങ്ങളെയും പരിചയപ്പെടുത്തുക.

• സിനിമാ ചർച്ചകൾ: നല്ല സിനിമകളെക്കുറിച്ച് ആഴത്തിലുള്ള സംവാദങ്ങൾക്കും വിശകലനങ്ങൾക്കും വേദിയൊരുക്കുക.

• സാംസ്കാരിക കൂട്ടായ്മ: സിനിമയിലൂടെ സാംസ്കാരികവും സാമൂഹികവുമായ ഒരു മികച്ച സഹവർത്തിത്വം പ്രവാസികൾക്കിടയിൽ വളർത്തിയെടുക്കുക.

• പ്രതിഭകളെ കണ്ടെത്തുക: സിനിമയുടെ വിവിധ മേഖലകളിൽ താല്പര്യമുള്ളവരെ പ്രോത്സാഹിപ്പിക്കുകയും അവർക്ക് വേണ്ട പിന്തുണ നൽകുകയും ചെയ്യുക.

സിനിമയെ സ്നേഹിക്കുന്ന, മികച്ച ചലച്ചിത്രങ്ങളെക്കുറിച്ച് സംസാരിക്കാൻ ആഗ്രഹിക്കുന്ന എല്ലാവർക്കും ഈ സിനിമാ സൊസൈറ്റിയിലേക്ക് സ്വാഗതം. നിങ്ങളുടെ സമാന ചിന്താഗതിക്കാരായ സുഹൃത്തുക്കളെയും ഈ കൂട്ടായ്മയിലേക്ക് ക്ഷണിക്കാവുന്നതാണ്.

Contact Kairali UK to join Film Society